मैथिली गीत : लगजोरीक ललका पिठार छै बेटी
नेह ममताक अहगर अछार छै बेटी
लगजोरीक ललका पिठार छै बेटी
जिनगीक अइपनकेर धिया रंगटीप छै
आँचरकेर झाँपनि तर मुसकैत दीप छै
डीह खलसैत गमगम चिनमार छै बेटी
सिनुरिया धापसँ छिटकैत इजोर छै
करेजमे जुगताकऽ रखने नवभोर छै
गीत सोहर गयबाक सूरसार छै बेटी
मायकेर कोखिक बेटी गुमान छै
बाप लेल माथ सीके चमकैत चान छै
घर गृहस्थीक पाबनि-तिहार छै बेटी
◾◾◾
वाह! कतेक नीक
जवाब देंहटाएंवाह! कतेक नीक
जवाब देंहटाएंवाह! कतेक नीक
जवाब देंहटाएंवाह बहुत नीक ❤
जवाब देंहटाएं